“Dərnəgül” deposu 2027-ci ilin sonu – 2028-ci ilin əvvəlində istismara veriləcək

“Dərnəgül” elektrik deposunda hazırda 12 qanov istismara verilib. Onlardan 3-ü qaldırma sahəsi, 9-u isə təmir qanovudur.

Operativ Media xəbər verir ki, bu barədə “Bakı Metropoliteni” QSC-nin Baş mühəndisi Namiq Yusubov məlumat verib. 

Bildirilib ki, növbəti mərhələdə qanovların tam fəaliyyətə başlaması planlaşdırılır. Bu prosesin 2027-ci ilin sonu – 2028-ci ilin əvvəlinə qədər yekunlaşdırılması nəzərdə tutulur.

Həmçinin tunellərin inşasından sonra Bakı Metropoliteninin yaşıl və qırmızı xətlərinin müstəqil şəkildə fəaliyyət göstərməsi və hərəkətin ayrı-ayrılıqda təşkili planlaşdırılır.