Almatı hava limanında texniki xidmət zamanı "FlyArystan" təyyarəsi alovlanıb

Qazaxıstanın Almatı hava limanında "FlyArystan" təyyarəsi yanıb.

Operativ Media xəbər verir ki, bu barədə hava limanın mətbuat xidməti məlumat yayıb.

Bildirilib ki, hadisə "FlyArystan" təyyarəsində planlaşdırılan texniki xidmət zamanı baş verib.

Hadisə baş verən zaman təyyarənin göyərtəsində sərnişinlər və heyət üzvləri olmayıb.

Təyyarə müvəqqəti olaraq istismardan çıxarılıb. Hazırda dəyən ziyanın miqyası qiymətləndirilir və lazımi təmir işləri aparılır.