İran ABŞ-nin texnoloji obyektlərini hədəfə almaqla hədələyib

İran ABŞ-nin respublikaya qarşı hücumları bərpa edəcəyi təqdirdə, Yaxın Şərqdəki Amerika texnoloji infrastrukturuna cavab zərbələri endirəcəyini bəyan edib.

Operativ Media xəbər verir ki, bunu İran Ali Milli Təhlükəsizlik Şurasının katibi Möhsün Rzai “Press TV” telekanalına müsahibəsində bildirib.

Onun sözlərinə görə, Tehran hələlik həmin obyektləri potensial hədəflər siyahısına daxil etməyib.

Möhsün Rzai qeyd edib ki, hərbi əməliyyatlar yenidən başlayarsa, regiondakı bir sıra məlumat emalı mərkəzləri, süni intellekt infrastrukturu və digər obyektlər məhv ediləcək.