“Azərbaycan ərazisinə gələn əcnəbilərin sayında 2023-cü ilin ilk dörd ayı ilə müqayisədə 38.8% artım qeydə alınıb”.

Bu barədə “Operativ Media”nın sorğusuna cavab olaraq Dövlət Miqrasiya Xidmətindən bildiriblər.

Xidmətdən verilən məlumata görə, Azərbaycan ərazisinə gələn əcnəbilərin sayı son illərdə davamlı artmaqdadır:

“2022-ci ildə ölkəyə səfər edən əcnəbilərin sayında 2021-ci illə müqayisədə 2 dəfə, 2023-cü ildə 2022-ci illə müqayisədə 30.2%, 2024-cü ilin ilk dörd ayında (yanvar-aprel) 2023-cü ilin ilk dörd ayı ilə müqayisədə 38.8% artım qeydə alınıb".

"2024-cü ildə işəgötürənlər tərəfindən tikinti, mədənçıxarma və emal sənayesi, həmçinin digər iqtisadi fəaliyyət növləri üzrə əcnəbilərə iş icazələrinin alınması üçün müraciətlər daxil olub", - məlumatda qeyd olunub.