Renat Dadaşov zədəsini bərpa edib

"Operativ Media" Türkiyə mətbuatına istinadən xəbər verir ki, 25 yaşlı hücumçu bərpa prosesini başa vurub.

“Ankaragücü”nün formasını geyinən forvard I Liqa çərçivəsində “Yeni Malatyaspor”la matçdan sonra qasıq nahiyəsindən əməliyyat olunmuşdu. Dadaşov artıq kollektivlə birlikdə məşqlərdə iştirak etməyə başlayıb. Bu isə o deməkdir ki, hücumçu tezliklə yaşıl meydanlara dönə biləcək. Renatın 15-ci turda “Boluspor”la keçiriləcək səfər matçına aparılması istisna edilmir.

Qeyd edək ki, “Boluspor” – “Ankaragücü” oyunu dekabrın 8-də keçiriləcək. Ankara təmsilçisi hazırda 20 xalla turnir cədvəlinin 9-cu pilləsində qərarlaşır.