Ötən il əmək müqavilələrinin 96 %-dən çoxu elektron formada bağlanılıb

Dövlət Əmək Müfəttişliyi Xidməti əmək münasibətlərinin rəqəmsallaşdırılması sahəsində əhəmiyyətli irəliləyişlər əldə edib.

Operativ Media xəbər verir ki, bunu Dövlət Əmək Müfəttişliyi Xidmətinin rəisi Vəli Quliyev qurumun 2025-ci ilin yekunlarına həsr olunmuş mətbuat konfransında deyib.

O, bildirib ki, 2025-ci ilin sonuna elektron əmək müqavilələrinin sayı 1,8 milyonu ötüb və onların payı 96,23%-ə yüksəlib.

"ƏMAS platformasında yeni funksionallıqların tətbiqi və elektron audit mexanizminin istifadəyə verilməsi nəzarəti daha şəffaf və effektiv edib", - deyə, Vəli Quliyev qeyd edib.