Maştağada elektrik enerjisinin verilişində məhdudiyyət yaranacaq

Fevralın 9-da Maştağa Enerji Təchizatı və Satışı İdarəsi (ETSİ) ərazisində bir sıra elektrik xətlərində təmir işləri həyata keçiriləcək.

Operativ Media-ya bu barədə "Azərişıq" ASC-dən məlumat verilib.

Bununla əlaqədar olaraq saat 09:00-dan 14:00-dək Pirşağı bağları yaşayış massivi və Ləhic bağları adlanan ərazidə elektrik enerjisinin verilişində məhdudiyyət yaranacaq.

Təmir işləri yekunlaşdıqdan sonra sözügedən ərazilər daha keyfiyyətli elektrik enerjisi ilə təmin olunacaq.