Sürət həddini aşmağa görə cərimə nə qədərdir? - MƏBLƏĞ

Azərbaycan Respublikasının İnzibati Xətalar Məcəlləsinin 328-ci maddəsi yol hərəkəti təhlükəsizliyinin təmin olunması istiqamətində əsas hüquqi mexanizmlərdən biri kimi sürət həddinin aşılmasına görə inzibati məsuliyyəti müəyyən edir.

Mövzu ilə bağlı Operativ Media-ya danışan Vəkil Turan Abdullazadə bildirib ki, qanunvericilikdə sürət həddinin neçə kilometr/saat aşılmasından asılı olaraq fərqli məbləğlərdə cərimələr nəzərdə tutulub və hər bir pozuntu dərəcəsinə uyğun məsuliyyət tədbiri tətbiq edilir.

Məcəllənin 328-ci maddəsinə əsasən, sürət həddinin:

● 10-20 km/saat aşılmasına görə 10 manat,

● 21-40 km/saat aşılmasına görə 50 manat,

● 41-60 km/saat aşılmasına görə 200 manat,

● 61 km/saat və daha artıq aşılmasına görə isə 300 manat məbləğində cərimə tətbiq olunur.