IX Milli İnsan Resursları Forumunun spikerləri bəlli oldu!
“Facemark” şirkətinin təşkilatçılığı, “HR Option” şirkətinin təşkilati dəstəyi ilə 16 may tarixində Bakı Konqres Mərkəzində IX Milli İnsan Resursları Forumu keçiriləcək.
Operativ Media xəbər verir ki, tədbir “Başkent” restoranlar şəbəkəsinin sponsorluğu və “Markup Agency”nin dəstəyi ilə keçiriləcək.
İnsan resursları sahəsində fəaliyyət göstərən peşəkarları, şirkət rəhbərlərini və HR mütəxəssislərini bir araya gətirəcək forum “Yeni Reallıq” konsepti çərçivəsində dəyişən iş mühiti, transformasiya olunan liderlik yanaşmaları və insan kapitalının gələcəyi kimi aktual mövzulara fokuslanaraq ölkədə HR sahəsinin inkişafına töhfə verməyi hədəfləyir.
I Panel: “Yeni reallıqda liderlik” paneli
Moderator:
● Cabir Süleymanlı - Baku Electronics, HR direktoru, MİRF layihə rəhbəri
Spikerlər:
● Lalə Məmmədova - İnnovasiya və Rəqəmsal İnkişaf Agentliyi, İdarə Heyəti sədrinin müşaviri
● Rəna Şərifova - Prior Lizinq, İnsan Resursları və İnzibati Xidmətlər Departamentinin müdiri
● Gülnur İsparova - Təşkilat və İnsan Resurslarının idarə olunması Departamentinin baş rəhbəri
● Aytən Mehtiyeva - PASHA Holding, Qrup üzrə Liderlik İnkişafı meneceri
● Nurlan Şıxəliyev - AzerGold QSC, İnsan resurslarının idarə olunması şöbəsinin müdiri
Müzakirələr zamanı dəyişən dünyada liderlərin rolu, qərarvermə çevikliyi və yeni nəsil idarəetmə yanaşmaları ön plana çıxarılacaq.
II Panel: “Yeni reallıqda insan” paneli
Moderator:
● Könül Əliyeva - FutureBright Şirkətlər Qrupu, Azərbaycan üzrə ölkə direktoru
Spikerlər:
● Orxan Əliyev - Bahar Energy Operating Company, İnsan Resursları üzrə direktor
● Lalə Abdulrəhmanova - Keel Academy, Təlimçi, Konsulant
● Sakit Səmədov - Destec Group, təsisçi
● Elnur Məmmədli - Rəqəmsal transformasiya və süni intellekt sahəsində konsultant
Bu paneldə insan resurslarının biznes strategiyası ilə uyğunlaşdırılması, liderlik yanaşmalarının inkişafı və təşkilatlarda rəqəmsal transformasiyanın rolu müzakirə olunacaq. Eyni zamanda, süni intellektin HR proseslərinə təsiri və dəyişən iş mühitində effektiv idarəetmə yanaşmaları da diqqət mərkəzində olacaq.
III Panel: “Yeni reallıqda oyun qaydaları”
Moderator:
● Toğrul Ələkbərov - Human Development Center (HDC), direktor
Spikerlər:
● Banu Aksoy - Harrisson, məsləhətçi
● Qoşqar Qurbanlı - SOCAR, Təşkilati inkişaf şöbə rəisi
● Kamil Bayramlı - İdarəetmə və təşkilati mədəniyyət üzrə konsultant
● Gülarə Novruzova - Bank of Baku ASC, İnsan Resursları Departamentinin direktor
● Fuad Qəmbərov - Bestcomp Group QSC, İnsan resursları üzrə baş müdir
Panel zamanı təşkilati mədəniyyətin formalaşdırılması, liderlik yanaşmalarının şirkət daxilində inkişafı və HR strategiyalarının biznes performansına təsiri müzakirə olunacaq. Eyni zamanda böyük şirkətlərdə dəyişimin idarə olunması və insan resurslarının bu prosesdə rolu da əsas mövzulardan biri olacaq.
“Yeni Reallıq” anlayışı ilə forum iştirakçıları sürətlə dəyişən dünyada çeviklik, innovasiya və insan yönümlü strategiyaların əhəmiyyətini daha dərindən kəşf edəcək, yeni dövrün çağırışlarına uyğun yanaşmalarla tanış olacaqlar.
Tədbir haqqında ətraflı məlumat əldə etmək və bilet əldə etmək üçün www.mirf.az saytına daxil ola bilərsiniz.
