Litva səfiri: “Heç bir nəticə “Qarabağ”ın nailiyyətlərinə kölgə sala bilməz”

Litvanın Azərbaycandakı səfiri Kestutis Vaškeviçus UEFA Konfrans Liqasının pley-off mərhələsindəki məğlubiyyətdən sonra "Qarabağ" futbol klubuna dəstəyini ifadə edib.

Operativ Media xəbər verir ki, bu barədə o, "X" sosial şəbəkəsində yazıb.

​"Hərçənd ötən gecə "Qarabağ" qələbə qazanmadı, lakin heç bir nəticə bu komandanın nailiyyətlərinə kölgə sala bilməz. "Qarabağ" FK-ya və uzun illər ərzindəki rəhbərliyi ilə unudulmaz Avropa qələbələri qazandıran və Azərbaycanın futbol mədəniyyətinə müstəsna töhfə verən baş məşqçi Qurban Qurbanova böyük hörmətimi bildirirəm. Belə irslər əbədi yaşayır", – deyə səfir qeyd edib

​UEFA Konfrans Liqasının pley-off mərhələsinin iki oyununun nəticəsinə əsasən, "Qarabağ" FK Niderlandın "Tvente" klubuna məğlub olub (1:0, 1:4). Bununla da "Qarabağ"ın avrokubokların əsas mərhələsində ardıcıl 12 mövsüm davam edən seriyası başa çatıb..