"Wizz AIR" Bakıdan bəzi Avropa ölkələrinə uçuş qiymətini 31 dollara endirib

Azərbaycanın milli aviadaşıyıcısı olan “AZAL” bu gün 35-dən çox istiqamətə endirim kampaniyası ilə biletləri satışa çıxarıb.

“AZAL”ın tətbiq vasitəsilə elan etdiyi kampaniya böyük maraqla qarşılanıb.

“Operativ Media” xəbər verir ki, “AZAL” ilə yanaşı bir sıra beynəlxalq aviadaşıyıcılar da endirim kampaniyası elan edib.

“Black Friday” kampaniyasına “Qatar”, “WİZZ AİR”, “RYN AİR”, “THY” və digərləri də qoşulub. 

“Qatar” hava yolları şirkəti Bakıdan uçuşlara 25 faiz endirim tətbiq edir. 

“WİZZ AİR” aviadaşıyıcısı isə Bakıdan Avropaya birbaşa uşuşları 31 dollara endirib. Bakı-Roma, Bakı- Budapeşt biletləri yanvar ayı üçün "Discount Club" üzvlərinə 31 dollara, digər şəxslərə isə 42 dollara təklif olunur.

“RYN AİR” hava yolu şirkəti isə birbaşa Bakıdan uçuş həyata keçirmir. Yanvar ayı üçün Türkiyəyə “AZAL"dan 39 avroya bilet alıb, oradan uçuş biletlərinə kampaniya olan Avropa şəhərlərinə 20 avroya uçmaq mümkündür.

Endirimli qiymətlər yaxın tarixlərə aiddir. Xüsusilə yanvar və fevral aylarında daha aşağı qiymətə endirimli bilet almaq mümkündür.

Eyni zamanda hotellər də qiymətlərə hazırda endirim kampaniyası təklif edir. Bəzi otellər “Black Firday” kampaniyası üçün qiymətləri 40 faiz endirib.