"Yüksəliş" müsabiqəsinin qaliblərinin 30 faizinin magistatura təhsili yoxdur - Elmira Məmmədova

"Yüksəliş" müsabiqəsi ilə bağlı yayılan səhv fikirlərdən biri odur ki, müsabiqədə qalib gəlmək üçün mütləq sizin xarici təhsiliniz və ya magistatura təhsiliniz olmalıdır.

"Operativ Media" xəbər verir ki, bunu bu gün Bakıda keçirilən "Milli İnsan Resursları 2024" forumunda "Yüksəliş" müsabiqəsinin testlər və insan resursları şöbəsinin rəhbəri Elmira Məmmədova bildirib.

Onun sözlərinə görə, "Yüksəliş" müsabiqəsinin qaliblərinin təxminən 30 faizinin magistatura təhsili yoxdur.

O, qeyd edib ki, qaliblərin 98 faizi təhsilini xaricdə yox Azərbaycanda alıb:

"Qaliblərin bir çoxu iki təhsil alıb. Həm Azərbaycanda, həm xaricdə. Amma qaliblərin böyük əksəriyyəti həm bakalavr həm də magistr təhsilini Azərbaycanda alıb".

"Xaricdə təhsil almaq sizə əlavə dəyər qata bilər amma əmək bazarında sizə üstünlük vermir. Mənim fikirmcə sizə üstünlük verən təcrübənizdir. CV-nizdə mən xaricdə təhsil almışam yazmaq sizi daha üstün kadr etmir", - o, qeyd edib.