Google yeni süni intellekt modelini təqdim edib

Google yeni flaqman süni intellekt modeli Gemini 4 Carbon-u təqdim edib.

Operativ Media xəbər verir ki, model "Artificial Analysis Intelligence Index" reytinqinin yenilənmiş versiyasında 59 balla birinci yeri tutub.

Şirkətin məlumatına görə, Gemini 4 Carbon kibertəhlükəsizlik imkanları ilə seçilir və proqram təminatındakı boşluqların aşkarlanması, istismarı və aradan qaldırılması üzrə testlərdə yüksək nəticələr göstərib.

Google yaxın vaxtlarda modelin istifadəçilər üçün əlçatan olacağını açıqlayıb.