Cənubi Sudanda icmalararası toqquşmalarda ölənlərin sayı 84-ə çatıb

Cənubi Sudanın Varrap ştatında icmalararası toqquşmalar nəticəsində ölənlərin sayı 84-ə yüksəlib, 13 nəfər isə ağır yaralanıb.

Operativ Media xəbər verir ki, bu barədə yerli rəsmi nümayəndə Uilyam Vol Mayom məlumat yayıb.

Onun sözlərinə görə, son hücum zamanı Bundir kəndi yandırılıb, əmlaklar qarət edilib.

Bildirilib ki, gərginliyin artması fonunda əraziyə təhlükəsizlik qüvvələri yerləşdirilib.