Nazir müavini: Dövlət-özəl tərəfdaşlığı çərçivəsində 6 məktəb tikiləcək

Təhsilin İnkişafı Fondu dövlət-özəl tərəfdaşlığı çərçivəsində ""Silk Vey Vest aviaşirkəti" MMC-nin maliyyə dəstəyi ilə ümumi təhsil müəssisələrinin infrastrukturunun təkmilləşdirilməsi" layihəsini həyata keçirir.
 
"Operativ Media"nın xəbərinə görə, bunu elm və təhsil nazirinin müavini Kənan Kərimzadə “Azərbaycan müəllimi” qəzetinə açıqlamasında deyib.

O, qeyd edib ki, layihə çərçivəsində 6 ümumi təhsil müəssisəsinin tikintisi nəzərdə tutulur.

Bakı-Abşeronda yerləşən 5 və Kürdəmir rayonunda 1 məktəbin əsaslı təmiri və bərpası nəticəsində təhsil müəssisələrində 5 mindən çox şagirdin təhsil şəraiti yaxşılaşdırılacaq.