Sumqayıtda zəncirvari qəza olub, xəsarət alan var

Sumqayıtda zəncirvari qəza baş verib.

"Operativ Media" xəbər verir ki, hadisə şəhərin Çerkassi küçəsində qeydə alınıb.

“Chevrolet Cruze” markalı avtomobil əvvəlcə hərəkətdə olan “Opel Meriva” markalı, saha sonra isə yol kənarında dayanan “VAZ 2107” markalı avtomobillərə çırpılıb. Hadisə zamanı “Opel”də olan sərnişin 1999-cu il təvəllüdlü Rahil Kazımov xəsarət alıb.

Xəsarət alan şəxs xəstəxanaya çatdırılıb.

Fakt araşdırılır.