http://operativmedia.az/frontend/img/svg/proqnozu.svg
Bakı 18 ° C

Füzuli könüllüləri ilk dəfə olaraq ərazidə fəaliyyətə başlayıb

28 May 2024 , 10:59
Füzuli könüllüləri ilk dəfə olaraq ərazidə fəaliyyətə başlayıb

İşğaldan azad olunmuş Füzuli şəhərində Füzuli könüllülərinin təqdimatı keçirilib.

Böyük Qayıdış Gənclər Təşkilatından "Operativ Media"ya bildirilib ki, Ağdam, Füzuli və Xocavənd rayonlarında Azərbaycan Respublikası Prezidentinin Xüsusi Nümayəndəliyinin, Gənclər Fondunun və Gənclər və İdman Nazirliyinin dəstəyi ilə “Böyük Qayıdış” Gənclər Təşkilatı tərəfindən formalaşdırılan “Qayıdış Könüllüləri” Proqramının “Füzuli Könüllüləri” qrupu ilk dəfə olaraq ərazidə fəaliyyətə başlayıb.

Prezident İlham Əliyevin işğaldan azad edilmiş ərazilərimizdə aparılan işlərə gənc nəslin, xüsusilə də kökləri bu torpaqlara bağlı olan gənclərin daha geniş cəlb edilməsi çağırışına uyğun olaraq həyata keçirilən “Qayıdış Könüllüləri” proqramının əsas məqsədi azad olunmuş ərazilərdə könüllülük fəaliyyətini dəstəkləmək, əslən oradan olan gənclərin doğma torpaqlarında yenidənqurma və bərpa işlərində, eləcə də bölgənin zəngin tarixi-mədəni irsinin təbliğində iştirakını təşviq etmək və Böyük Qayıdış prosesinə töhfə verməkdir.

Füzuli könüllülərinin şəhərə təşkil olunan səfəri zamanı Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəsi Emin Hüseynov könüllülərlə görüşərək şəhərdə aparılan bərpa-quruculuq işləri ilə bağlı məlumat verib. Emin Hüseynov onlara bu nəcib işdə, gələcək fəaliyyətlərində uğurlar arzulayıb, yeni təcrübə, dünyagörüşü, sosiallaşma, uğurlu karyera yolu baxımından bu proqramın könüllülər üçün faydalı olacağını qeyd edib. Həmçinin görüşdə tərəfdaş qurumların nümayəndələri könüllülərə işğaldan azad olunmuş ərazilərdə, eləcə də Füzuli rayonunda könüllü fəaliyyətinin təşkili və onların iştirakı ilə həyata keçiriləcək fəaliyyət haqqında ətraflı məlumat verib. Bildirilib ki, Füzuli könüllülərinin belə səfərlərinin tez-tez təşkili, eyni zamanda, Nümayəndəliklə birlikdə Füzuli rayonunda müxtəlif məzmunlu, maraqlı tədbirlərin keçirilməsi nəzərdə tutulub.

Səfər zamanı könüllülər işğaldan azad olunmuş və yenidən qurulan, həyatın canlandığı Füzuli şəhəri ilə yaxından tanış olub, görülən işlər haqqında ətraflı məlumat əldə edib. Həmçinin kənddə məskunlaşan uşaq, yeniyetmə və gənclərlə görüşüblər.

Qeyd edək ki, könüllülər növbəti mərhələlərdə Füzuli rayonunda fəaliyyət göstərəcək, o cümlədən tədbirlərin təşkilində iştirak edəcək. Eləcə də bölgəyə səfər edən yerli və xarici qonaqlarla işləyəcək, bərpa və yenidənqurma işlərinə, qayıdışa hazırlıq və məskunlaşmaya könüllü dəstəyin göstərilməsinə cəlb olunacaqlar.

OXŞAR XƏBƏRLƏR
Yanğın baş verib, sakinlər təxliyə olunub

Yanğın baş verib, sakinlər təxliyə olunub

Çimərliklərdə gözlənilən hava şəraiti açıqlanıb

Çimərliklərdə gözlənilən hava şəraiti açıqlanıb

Sabah hava meteohəssas insanlar üçün əlverişsiz olacaq

Sabah hava meteohəssas insanlar üçün əlverişsiz olacaq

XƏBƏR LENTİ
  • 00:57

    AÇ-2024: Fransa Avstriyanı minimal hesabla məğlub etdi
  • Dünən
    23:01

    Ermənistan müdafiə naziri fransalı həmkarı ilə görüşüb
    Ermənistan müdafiə naziri fransalı həmkarı ilə görüşüb
  • Dünən
    22:16

    Azərbaycanda minalarla mübarizə üzrə üçüncü Beynəlxalq Konfrans keçirilib
    Azərbaycanda minalarla mübarizə üzrə üçüncü Beynəlxalq Konfrans keçirilib
  • Dünən
    22:02

    AÇ-2024: Belçika məğlubiyyətlə başladı
  • Dünən
    21:58

    Berbok: Ukraynaya kömək etməsək, Putinin qoşunları Polşa sərhədinə çatacaq
  • Dünən
    21:36

    Fransanın Ermənistandakı səfiri: Erməni bayrağı fransızların ürəyindədir
  • Dünən
    21:17

    İsrail PUA-ları Livanın cənubuna zərbələr endirib
  • Dünən
    20:56

    İsrail Macarıstanla əlaqələri Avropadakı münasibətləri üçün əsas sayır
Menyu