http://operativmedia.az/frontend/img/svg/proqnozu.svg
Bakı 18 ° C

Şəhidlərimizin xatirəsinə həsr olunan anım mərasimləri keçirilib

09 İyun 2024 , 18:18
Şəhidlərimizin xatirəsinə həsr olunan anım mərasimləri keçirilib

Torpaqlarımızın ərazi bütövlüyü uğrunda şəhidlik zirvəsinə yüksələn Babək Ramaldanov və İsmayıl Mehdiyevin, eləcə də Azərbaycanın Milli qəhrəmanları Ruslan Muradov və Rəşad Mirabovun xatirələrinə həsr olunan anım mərasimləri keçirilib.

Bu barədə "Operativ Media"ya Müdafiə Nazirliyindən bildirilib.

Müdafiə Nazirliyinin və Milli Müdafiə Universitetinin nümayəndələri, şəhidlərin ailə üzvləri, yaxınları, döyüş yoldaşları, məktəblilər, eləcə də digər qonaqların iştirak etdiyi mərasimlərdə xalqımızın Ümummilli Lideri Heydər Əliyevin, Azərbaycanın suverenliyi, müstəqilliyi və ərazi bütövlüyü uğrunda şəhid olanların xatirəsi bir dəqiqəlik sükutla yad edilib. Azərbaycan Respublikasının Dövlət Himni səsləndirilib.

Tədbirlər çərçivəsində şəhidlərimizin məzarları ziyarət olunub, xatirələrinə dualar oxunub.

Həzi Aslanov adına Ordu İdeoloji və Mədəniyyət Mərkəzinin, eləcə də Gəncə Qarnizonu İdeoloji və Mədəniyyət Mərkəzinin təşkilatçılığı ilə keçirilən tədbirlərdə çıxış edənlər torpaqlarımızın azadlığı uğrunda gedən döyüş əməliyyatlarında igid oğullarımızın göstərdikləri qəhrəmanlıq və şücaət nümunələrindən, Müzəffər Ali Baş Komandan İlham Əliyevin rəhbərliyi ilə Vətən müharibəsində rəşadətli Ordumuzun düşmən üzərində qazandığı parlaq Qələbədən söz açıblar.

Sonra şəhidlərimizin ömür və döyüş yoluna həsr olunan videoçarxlar nümayiş olunub.

Şəhidlərin ailə üzvləri və yaxınları onlara göstərilən diqqət və qayğıya, eləcə də şəhidlərimizin xatirəsinin uca tutulduğuna görə Azərbaycan Respublikasının Prezidenti İlham Əliyevə və Müdafiə Nazirliyinin rəhbərliyinə minnətdarlıqlarını bildiriblər.

Anım mərasimlərində şəhidlərimizə həsr olunan şeirlər, vətənpərvərliyi və qəhrəmanlığı tərənnüm edən musiqilər səsləndirilib.

OXŞAR XƏBƏRLƏR
Taxılın ucuzlaşması çörəyin qiymətinə təsir edəcəkmi?

Taxılın ucuzlaşması çörəyin qiymətinə təsir edəcəkmi?

Avtomobilin kondisionerini necə təmizləmək lazımdır?

Avtomobilin kondisionerini necə təmizləmək lazımdır?

Xarici təhsil müəssisələrindən köçürülmək istəyən tələbələrin nəzərinə!

Xarici təhsil müəssisələrindən köçürülmək istəyən tələbələrin nəzərinə!

XƏBƏR LENTİ
  • 17:45

    Borrell icma ölkələrindən hərbi təlimatçıların Ukraynaya göndərilməsini təklif edib
  • 17:43

    Azərbaycanda zoonoz xəstəliklərlə bağlı beynəlxalq tədbir keçiriləcək
  • 17:40

    “Apple” Avropada süni intellekt xidmətlərinin istifadəyə verilməsini təxirə salıb
  • 17:31

    "Turan Tovuz" yeni transferini açıqladı
  • 17:23

    FHN yanında İctimai şuranın üzvləri çimərlik mövsümü ilə əlaqədar monitorinqlər keçirib
  • 17:09

    Ceyhun Bayramov Qırğızıstanının yeni təyin olunmuş səfirini qəbul edib
  • 17:00

    Ötən il buraxılış imtahanı üzrə ən yüksək və ən aşağı göstəricilərin qeydə alındığı bölgələr açıqlanıb
  • 16:49

    Dağıstanda terror aktı nəticəsində ölənlərin sayı artıb - YENİLƏNİB
Menyu