Təmir işləri ilə əlaqədar Əhməd Rəcəbli küçəsində sıxlıq yaranıb

Nərimanov rayonu, Əhməd Rəcəbli küçəsi ilə Ziya Bünyadov prospektinin kəsişməsi, metronun “Nəriman Nərimanov” stansiyası istiqamətində aidiyyəti dövlət qurumu tərəfindən asfalt örtüyünün yenilənməsi işləri aparılır.

"Operativ Media" xəbər verir ki, bu barədə DİN-in Nəqliyyat İntelektual İdarəetmə Mərkəzi məlumat yayıb.

Bildirilib ki, bu məqsədlə qeyd olunan istiqamətdə yol bağlıdır. Sürücülərdən yola çıxmazdan əvvəl nəzərə almaları xahiş olunur.