http://operativmedia.az/frontend/img/svg/proqnozu.svg
Bakı 18 ° C

XİN: Fransa daxili işlər nazirinin səsləndirdiyi növbəti əsassız fikirləri tamamilə rədd edirik

16 May 2024 , 12:58
XİN: Fransa daxili işlər nazirinin səsləndirdiyi növbəti əsassız fikirləri tamamilə rədd edirik

Rəsmi Bakı Fransanın daxili işlər naziri Jerar Darmaninin “France-2” telekanalına müsahibəsində Azərbaycana qarşı və Azərbaycanla Yeni Kaledoniyanın müstəqillik liderləri arasında iddia edilən münasibətlərə dair səsləndirdiyi fikirləri tamamilə rədd etdiyini bəyan edib.

"Operativ Media"nın xəbərinə görə, Xarici İşlər Nazirliyinin mətbuat xidmətinin rəhbəri Ayxan Hacızadə Fransanın daxili işlər naziri Jerar Darmaninin “France-2” telekanalına müsahibəsində Azərbaycana qarşı səsləndirdiyi iddialara dair şərhində Fransa tərəfinin ilk növbədə Azərbaycana qarşı təhqiramiz ifadələrini bir daha qətiyyətlə pislədiyini və ermənilərin kütləvi şəkildə qətlə yetirilməsi kimi qəbuledilməz ittihamlarla Azərbaycana qarşı apardığı qarayaxma kampaniyasını dayandırmağı tələb edildiyini bildirib:

"Fransa daxili işlər nazirinin öz ölkəsinin uzun illər həyata keçirdiyi müstəmləkəçilik siyasətinin tərkib hissəsi kimi yerli xalqlara qarşı insanlıq əleyhinə cinayətlər törətməsini, milyonlarla günahsız insanın vəhşicəsinə qətlə yetirilməsi tarixini xatırlaması daha münasib olardı".

XİN sözçüsü vurğulayıb ki, Fransanın daxili işlər naziri Azərbaycanı Yeni Kaledoniyada müstəqillik tərəfdarı etirazları dəstəkləməkdə ittiham etmək əvəzinə, ölkəsinin bu cür etirazlara səbəb olan dənizaşırı bölgələri ilə bağlı uğursuz siyasətinə diqqət yönəltməlidir:

"Biz bir daha Fransanı ölkəmizə qarşı əsassız iddiaları dayandırmağa çağırırıq".

Qeyd edək ki, Fransanın daxili işlər naziri Jerar Darmanin “France 2” telekanalına müsahibəsində Azərbaycanı Yeni Kaledoniyada iğtişaşlara müdaxilə etməkdə və ölkəsinin daxili işlərinə qarışmaqda ittiham edib.

OXŞAR XƏBƏRLƏR
Bakıda 18 yaşlı gənc qətlə yetirilib

Bakıda 18 yaşlı gənc qətlə yetirilib

Su hövzələrində təhlükəsizliklə bağlı tədbir keçirilib

Su hövzələrində təhlükəsizliklə bağlı tədbir keçirilib

Bakının daha bir küçəsində xüsusi hərəkət zolaqları təşkil edilir

Bakının daha bir küçəsində xüsusi hərəkət zolaqları təşkil edilir

XƏBƏR LENTİ
  • 21:44

    G7 Belarusu Rusiyaya yardım etdiyinə görə qınayıb
  • 21:29

    Bakıda 18 yaşlı gənc qətlə yetirilib
  • 21:17

    Stoltenberq: NATO-nun silah təchizatı Ukraynada sülhə töhfə verir
  • 21:02

    Su hövzələrində təhlükəsizliklə bağlı tədbir keçirilib
  • 20:50

    Stoltenberq ABŞ və Kanadaya səfər edəcək
  • 20:39

    "Qarabağ" Musa Qurbanlını transfer etdi
  • 20:35

    Ümumü təhsil müəssisələri ödənişli əsaslarla dərnəklər, kurslar və sərgilər təşkil edəcək
  • 20:21

    Hindistan Fransadan 26 ədəd "Rafale Marine" qırıcısı almaq istəyir
Menyu