http://operativmedia.az/frontend/img/svg/proqnozu.svg
Bakı 18 ° C

“Dağınıq skleroz xəstəliyinə qadınlarda daha çox rast gəlinir” - HƏKİM

29 May 2024 , 12:42
“Dağınıq skleroz xəstəliyinə qadınlarda daha çox rast gəlinir” - HƏKİM

Bu gün dünyada Beynəlxalq Dağınıq Sklerozla Mübarizə Günü qeyd olunur. Dünyada dağınıq sklerozdan əziyyət çəkən təxminən 3,5 milyon insan var. 

Bəs dağınıq skleroz xəstəliyi nədir və necə müalicə olunur?

Bu barədə həkim-nevroloq Qalib Əsədov “Operativ Media”ya açıqlamasında bildirib ki, bu dağınıq skleroz mərkəzi sinir sisteminə aid xəstəlikdir:

“Mərkəzi sinir sistemi beyin və onurğa beyindən ibarətdir. Mərkəzi sinir sistemi sinir lifləri, onu əhatə edən, qoruyan, funksiyaların yerinə yetirilməsini təmin edən mielin adlı qişa ilə örtülür. Dağınıq sklerozda həmin mielin qişası zədələndiyindən beyin və onurğa beynindən gələn implusların orqanlara çatdırılması pozulur və nəticədə xəstəliyə aid əlamətlər meydana çıxır. Xəstəliyin səbəbləri əvvəllər keçirilmiş virus infeksiyaları, bəzi zəhərli maddələrlə qidalanma vərdişləri, bədənin müdafiə sisteminin pozğunluğu, irsiyyət, coğrafi zonalar və başqalarıdır. Xəstəliyə ən çox 20-40 yaş arası insanlarda rast gəlinir. Həmçinin 10 yaşa qədər erkən başlayan və 40 yaşdan sonra da rast gəlinə bilər. Qadınlarda kişilərə nisbətən daha çox rast gəlinir. Əgər ailə anamnezində dağınıq skleroz olarsa, həmin şəxsdə bu xəstəliyə rast gəlmə tezliyi yüksəkdir. Dağınıq skleroz yoluxucu deyil”.

Həkim xəstəliyin əlamətlərindən də danışıb:

“Xəstəliyin başlanğıcında xəstələr ümumi zəiflikdən, tez yorulmadan, başgicəllənmədən, müvazinətsizlikdən, gözdə ikiləşmədən, görmə qabiliyyətinin zəifləməsindən şikayətlənirlər. Xəstəni müayinə etdikdə sümüküstlüyü reflekslərinin yüksəldiyi, patoloji reflekslərin meydana çıxdığı ayırd edilir. Xəstənin yerişi sərrast olmur, tez-tez o tərəf-bu tərəfə yıxılır. Mərkəzi sinir sisteminin zədələndiyi nahiyəyə uyğun kliniki simptomlar müşahidə olunur. Əlamətlər əsasən halsızlıq, hissiyyatın zəifləməsi, koordinasiyanın zəifləməsi, müvazinət problemi, görmə pozğunluğu, nistaqm (göz almasının qeyri-iradi hərəkəti), əzələ sərtləşməsi (spastika), titrəmələr, nitq pozulması, həzm sistemi və sidik-cinsiyyət problemləri, səndələyərək yerimə, istiyə həssaslıq, koqnitiv problemlər şəklində olmaqdadır”.

Həkim qeyd edib ki, dağınıq skleroz xəstəliyinin başlanğıcında həkim tərəfindən düz diaqnoz qoyulub müalicə təyin edildikdə müsbət nəticə əldə olunur:

“Bəzi hallarda xəstəlik nisbətən yüngül keçir, müalicəyə tabe olur. Dəqiq diaqnoz qoyulduqda, lazımi müalicə kursu təyin edildikdə xəstə uzun illər normal həyatına davam edir. Ancaq bəzi hallarda xəstəlik sürətlə inkişaf edir və bir neçə ilə xəstənin əmək qabiliyyəti itir. Xəstənin qidası vitaminlərlə zəngin və yüksək keyfiyyətli olmalıdır”.

Sevinc İbrahimzadə

OXŞAR XƏBƏRLƏR
Mikayıl Cabbarov Qurban bayramı ilə bağlı paylaşım edib

Mikayıl Cabbarov Qurban bayramı ilə bağlı paylaşım edib

Prezident İlham Əliyev Qurban Bayramı münasibətilə paylaşım edib

Prezident İlham Əliyev Qurban Bayramı münasibətilə paylaşım edib

Elektrik lampasını dəyişən qadını cərəyan vuraraq öldürüb

Elektrik lampasını dəyişən qadını cərəyan vuraraq öldürüb

XƏBƏR LENTİ
  • 00:57

    AÇ-2024: Fransa Avstriyanı minimal hesabla məğlub etdi
  • Dünən
    23:01

    Ermənistan müdafiə naziri fransalı həmkarı ilə görüşüb
    Ermənistan müdafiə naziri fransalı həmkarı ilə görüşüb
  • Dünən
    22:16

    Azərbaycanda minalarla mübarizə üzrə üçüncü Beynəlxalq Konfrans keçirilib
    Azərbaycanda minalarla mübarizə üzrə üçüncü Beynəlxalq Konfrans keçirilib
  • Dünən
    22:02

    AÇ-2024: Belçika məğlubiyyətlə başladı
  • Dünən
    21:58

    Berbok: Ukraynaya kömək etməsək, Putinin qoşunları Polşa sərhədinə çatacaq
  • Dünən
    21:36

    Fransanın Ermənistandakı səfiri: Erməni bayrağı fransızların ürəyindədir
  • Dünən
    21:17

    İsrail PUA-ları Livanın cənubuna zərbələr endirib
  • Dünən
    20:56

    İsrail Macarıstanla əlaqələri Avropadakı münasibətləri üçün əsas sayır
Menyu