Bu ilin yanvar-iyun ayları ərzində məcburi dövlət sosial sığorta haqları üzrə daxilolmalarda proqnoza nisbətdə 187,5 milyon manat və ya 7,3 faiz artım qeydə alınıb.

Bu barədə "Operativ Media"ya Dövlət Sosial Müdafiə Fondunun (DSMF) mətbuat xidmətindən məlumat verilib.

Büdcə təşkilatları üzrə daxilolma ötən ilin müvafiq dövrü ilə müqayisədə 34,4 milyon manat və ya 3,8 faiz, qeyri-büdcə təşkilatları üzrə isə 197,3 milyon manat və ya 12,1 faiz artımla olub.