DİN: Kirayələmək istədiyiniz mənzilə baxış keçirmədən ödəniş etməyin

Daxili İşlər Nazirliyi vətəndaşları fiziki baxış keçirmədən kirayə ev elanlarına beh göndərməməyə çağırıb.

"Operativ Media" xəbər verir ki, müraciətdə deylir:

"Yay fəslinin sonuna yaxınlaşmağa baxmayaraq hələ də bağ evlərini kiraləyərkən onlayn dələduzların qurbanına çevrilmə faktları mövcuddur. Həmin fürsətçilər bağ evlərini dəyərindən qat-qat ucuz qiymətə alqı-satqı saytlarında kirayə üçün təklif edirlər. Təəssüf ki, bəzi vətəndaşlarımız həmin mənzilə baxış keçirmədən beh ödənişləri edirlər və nəticədə bu da vəsaitlərinin talanmasına səbəb olur.

Bundan başqa qarşıdan yeni təhsil ilinin gəldiyini nəzərə alaraq bir daha vətəndaşlara çağırış edərək bildiririk ki, fiziki baxış keçirmədən heç bir mənzilə kirayə üçün beh ödənişi etməsinlər.

Diqqətli olun ki, dələduzların qurbanına çevirilməyəsiniz! Üzləşdiyiniz neqativ hallarla bağlı dərhal Daxili İşlər Nazirliyinin qaynar xəttinə və sosial şəbəkələrdəki səhifələrinə məlumat verməyiniz xahiş olunur".